ថតថ្ងៃសន្និសិទនិស្សិតកម្ពុជានៅភាគខាងជើងវៀតណាម

ថតជុំគ្នាជាមួយមិត្តរួមជំនាន់ នៅមានច្រើនទៀតតែចូលថតអត់អស់


ទាន់កន្លែងទំនេរ សុំគេចុចម៉ាប៉ុស្តិ៏សិន


កាលពីសមាជប្រជុំបូកសរុបលទ្ធផល សិក្សារបស់និស្សិតខ្មែរ នៅភាគខាងជើងវៀតណាម គឺមានការចូលរួមពីនិស្សិតខ្មែរ មកពីគ្រប់សាលា ទោះឆ្តាយយ៉ាងណាក៏គេមកដែរ ហើយអ្វីដែលចាប់អារម្មណ៏សំរាប់ខ្ញុំ គឺបានជួបមុខ លោកអគ្គរាជទូត ខ្មែរថ្មី ដែលមកកាន់ដំណែងថ្មី យូរគួរសមដែរ ហើយតែមិនដែលបានជួបគាត់សោះ។
ពិធីប្រព្រឹត្តិទៅធម្មតា ហើយពុំមានការលើកឡើងនូវ ចំនុចអាក្រក់ អីណាច្រើនដូចរាល់ឆ្នាំទេ ហើយក៏គ្មានសំនូមពរអ្វីគួរអោយកត់សំគាល់ដែរ ក្រៅតែពីការសុំតំលើងបា្រក់ខែ ! សូមជំរាបថា ខ្ញុំមកនៅរៀននៅយួន តាំងតែពីជំនាន់ ប្រាក់ខែ ៩៧ម៉ឺនដុង ប្រហែលជាជាង ៦៣ ដុល្លារជំនាន់នោះ ! ក្រោយមកគេតំលើងមក ១លាន៣សែន២ម៉ឹនដុង(១ ៣២០ ០០០ដុង) សំរាប់ថ្នាក់ពួករៀនភាសាវៀតណាម និង ១លាន៥សែន៧ម៉ឺនដុង(១ ៥៧០ ០០០ដុង) សំរាប់ពួកថ្នាក់ឧត្តម គឺបានប្រហែល ១១២ដុល្លារ កាលជំនាន់នោះ ក្រោយពីឡើងបាន ២-៣ខែ លុយដុង ក៏ចាប់ ហើម ហើយចំនួនប្រាក់ខែ នោះគឺនៅត្រឹមហ្នឹង ប្រហែល២ឆ្នាំ ក្រោយមកគេ ថែមជូន ៣០ម៉ឺនដុងពីលើ ចឹងប្រាក់ខែ ខ្ញុំគឺ បាន ១លាន៨សែន៧ម៉ឺនដុង (១ ៨៧០ ០០០ដុង) ប្រហែលជាជា១១០ដុល្លារ ជំនាន់នោះដែរ (២០០៨)​។ ដោយសារតែសព្វថ្ងៃនេះ លុយដុងនៅតែបន្តហើម ១០០ដុល្លារ=២,១២លានដុង ! ចំនែកប្រាក់ខែខ្ញុំនៅតែ ១,៨៧លានដុង ដដែលទេ ! ការចំនាយគឺពិបាក ព្រោះជាង២ឆ្នាំមកនេះ ទំនិញឡើងថ្លៃមិនឈប់ ! ហើយតាមការព្រមព្រៀងរវាងខ្មែរ និង វៀតណាគឺ ប្រាក់ខែ ម្នាក់ៗ គឺ ១០០ ដុល្លារ តែគេបើជាលុយដុង ហើយគិតត្រឹមថ្ងៃដូរលុយលើកទីមួយ បើកអោយយើង ទោះលុយឡើងចុះយ៉ាងណា ក៏នៅតែប៉ុណ្ណឺង។
ខ្ញុំនៅសល់តែប៉ុន្មានខែទៀតចប់ទៅផ្ទះវិញហើយ តែក៏នៅតែសុំសំនូមពរ អោយការតំលើងប្រាក់ខែ នេះប្រព្រឹត្តទៅបានឆាប់ យ៉ាងហោចណាស់ក៏បងប្អូនយើងនៅ រៀនយូរឆ្នាំទៀត បានកែប្រែជីវភាពរបស់ខ្លួនបានប្រសើរជាងមុនបន្តិចដែរ។

រឿង ហ្គាលីលេ ( Galileo )

តួអង្គសំខាន់ក្ងុងរឿង


រឿងនេះ ជាខ្សែភាពយន្ត មានច្រើនភាគ ហើយ វគ្គនិមួយសុទ្ធតែ បានដោះស្រាយនូវរឿងក្តី ដែលពោរពេញដោយ អាថ៍កំបាំង ជាពិសេស គឺពិបាកយល់ ដែលប៉ូលិសមិនអាចកំណត់បាននូវមុខសញ្ញា។ តែលោក យូកាវា ដែលជាសាស្រ្តាចារ្យ វិជ្ជាសាស្រ្តមួយនៃប្រទេសជប៉ុន បានចូលរួមវែកញែក ដោយប្រើទ្រឹស្តីវិទ្យាសាស្ត្រ សំរាប់បំបែករឿងក្តី និង កំណត់មុខសញ្ញាជនសង្ស័យ។ រឿងនេះ ក្រៅពីជក់ចិត្តពី ការស៊ើបអង្កេត នោះក៏មាននិយាយ ពីការអនុវត្តទ្រឹស្តីរូបវិជ្ជា ជីវៈ គីមី…ជាពិសេស គឺគណិតវិទ្យា ក្នុងជីវភាពដោយការបង្ហាញក្នងុសាច់រឿង។
នេះជាលីងមើលតាម VEOH បើចង់មើលតាមវេបសាយនេះ គឺត្រូវបង្កើត account ហើយតំឡើងកម្មវិធីរបស់វា ទើបមើលបានរឿងពេញលេញ មិនចឹងទេអាចមើលបានតែ ៥នាទីប៉ុណ្ណោះ។ បើខ្ញុំមានពេលខ្ញុំនឹង upload ចែកជូនបងប្អូនទស្សនា។

កើតជាប្រុសស្អាតយ៉ាប់ចឹង